Paris fékk kvíðaköst

Nokkrir fjölmiðlar í Bandaríkjunum birtu í gær fréttir þess efnis að Paris Hilton þjáist af athyglisbrest, sem valdi heiftarlegum kvíðaköstum og þess vegna hafi henni verið veitt leyfi til að yfirgefa fangelsið eftir aðeins þriggja daga dvöl í síðustu viku. Sem kunnugt er var henni komið aftur fyrir á bak við lás og slá aðeins fá­einum klukkustundum síðar. Í millitíðinni mun hún hins vegar hafa fengið rétta meðferð við meininu, sem veldur því að hún unir sér nú ágætlega innan fangelsismúranna.

Heimildir herma að Paris hafi þjáðst af gríðarlegri innilokunarkennd í fangelsinu og fengið nokkur mjög alvarleg kvíðaköst. Læknar töldu að einkennin ættu margt skylt við athyglisbrest og þorðu ekki að halda henni lengur í fangelsinu. Því hafi henni verið sleppt.