Setur kavíar í hárið

Leikkonan Catherine Zeta-Jones hefur gengið ansi langt í fegrunarráðum og þrífur hárið með sérstökum Beluga-kavíar frá Íran. Þetta lætur hún gera á hárgreiðslustofu í Suður-Kensington.

 „Catherine uppgötvaði kavíarmeðferðina síðasta sumar og var yfir sig hrifin þegar hún fann hversu gott þetta gerði hárinu,“ sagði heimildarmaður. „Kavíarinn er fullur af Omega-3 fitusýrum sem koma í veg fyrir þurrt og skemmt hár.“

Catherine lyktar þó ekki af fiski alla daga því kavíarinn er unninn þannig að hann verði lyktarlaus áður en hann er settur í hárið.