Dívustælar Hermione

Harry Potter stjarnan Emma Watson er víst örlítil díva í sér. Hin sextán ára gamla leikkona sem fer með hlutverk Hermione er dugleg við að kvarta undan álagi og þrætir við framleiðendurna.

Emma er sögð hafa farið á fund leikstjóra Harry Potter og Fönixreglunnar, David Yates, og spurt hann hvort hún þyrfti virkilega að leika í svo mörgum tökum. Yates er mikill fullkomnunarsinni og vill helst taka 30 tökur af hverju atriði til þess að ná örugglega öllu rétt. Hann svaraði Emmu því bara að hún þyrfti að sætta sig við þetta.

Hin unga Emma hafði víst hótað að hætta að leika í myndunum en var lokkuð til baka með hærri launum.

„Um leið og ég fór út í leiklistina fór ég beint á toppinn,“ sagði Emma ráðvillt. „Hvert fer ég þaðan? Mér finnst eins og ég þurfi að fara aftur í gegnum það sem ég hef gert. Ég hefði mikinn áhuga á að þjálfa mig almennilega í leiklistinni af því að mér líður svolítið eins og ég eigi þetta ekki skilið. Ég ætti að vera búin að gera svo miklu meira á undan þessu,“ sagði Emma.