Sizemore í steininn

Leikarinn Tom Sizemore hefur verið dæmdur í sextán mánaða fangelsi eftir að fíkniefni fundust í bíl hans. Þar með braut hann skilorð sitt eftir að hafa áður verið handtekinn með fíkniefni í fórum sínum.

Á meðal þekktustu kvikmynda hins 45 ára Sizemore eru Saving Private Ryan og Black Hawk Down. Leikarinn Martin Sheen var viðstaddur réttarhöldin til stuðnings vini sínum. „Ég held að það sé rangt að senda menn í fangelsi sem eiga við eiturlyfja- og áfengisvandamál að stríða,“ sagði hann.