Fullyrt að Miller sé hommi

Fjölmiðlar í Bandaríkjunum sögðu í gær frá því að leikarinn Wentworth Miller, sem slegið hefur í gegn í þáttunum Prison Break, hafi átt í ástarsambandi við annan karlkyns leikara síðasta hálfa árið. Orðrómur um að Miller sé samkynheigður hefur lengi verið uppi en sjálfur hefur leikarinn neitað því harðlega.

Leikarinn sem er sagður vera kærasti Miller heitir Luke McFarlane og leikur hann í þáttunum Brothers and Sisters. McFarlane þessi hefur opinberlega greint frá samkynhnegið sinni og hefur meðal annars átt í sambandi við leikarann T.R. Knight sem margir þekkja úr Grey"s Anatomys þáttunum.

„Þeir hafa átt í leynilegu sambandi í sex mánuði og passa sig mjög vel á að sjást ekki saman á almannafæri. Það er skiljanlegt, enda hefur Wentworth ekki ennþá komið út úr skápnum,“ sagði náinn vinur þeirra félaga í samtali við eitt slúðurblaðanna ytra.

Sagan segir að Miller sé ekki ósvipaður karakter og hann er í þáttunum sem hafa gert hann að stjörnu, hann sé feiminn og hlédrægur og því vilji hann sem minnst tala um ástir sínar. Hann þykir hins vegar vera hið mesta kvennagull og því hafa margir furðað sig á því að hann hefur aldrei verið orðaður við konu. Þykir það renna stoðum undir kynheigð hans. „Wentworth mun aldrei segja neitt um ástalíf sitt,“ sagði heimildarmaðurinn.