Pitt kom Jolie á óvart

Leikkonan Angelina Jolie féll gjörsamlega fyrir Brad Pitt skömmu eftir að hún kynntist honum við tökur á myndinni Mr. & Mrs Smith. Kom það henni á óvart hversu margbrotinn persónuleiki hann var.

„Fyrirfram hefði ég aldrei trúað því að þessi maður gæti verið yndislegur faðir sem vill hjálpa fólki og einhver sem ég gæti talað við um stjórnmál,“ sagði Jolie. „Hann er miklu margbrotnari en fólk gerir sér grein fyrir.“

Jolie segir að Pitt hafi verið sér stoð og stytta. „Þegar er ég lendi í vandræðum vil ég oft vera einsömul en hann er frábær hlustandi og hefur gefið mér mörg góð ráð.“