Vill nefna barn sitt Golíat

Noel Gallagher vill nefna ófætt barn sitt Golíat eða Ghandí. Gallagher, sem er gítarleikari bresku sveitarinnar Oasis, og unnusta hans Sara MacDonald eiga von á sínu fyrsta barni í sumar og Noel vill að nafnið stuðli við eftirnafnið.

”Ég er hrifinn af Gandhi eða Golíat - pælið í því, Gandhi Gallagher. En það skiptir í raun ekki máli svo lengi sem nafnið byrjar á G,” sagði Noel. Hann hefur verið að velta nafni barnsins fyrir sér um nokkurt skeið. Fyrir skömmu var hann að íhuga að skýra barnið Chutney eða Gizmo þar sem hann vildi ekki að barnið myndi heita asnalegu nafni. Gallagher á fyrir sjö ára gamla dóttur, Anais, með Meg Matthews fyrrverandi eiginkonu sinni.