Vildi ekki fleiri partí

Tónlistarkonan Björk Guðmundsdóttir segist hafa flutt frá London vegna þess að hún vildi ekki enda sem algjör partígella. „Þessi þrjú ár þar sem mér leið eins og súperstjarna var mjög skemmtileg reynsla,“ segir Björk.

„Auðvitað langar mann að prófa hvernig það er að vera frægur ef maður fær tækifæri til þess en það gengur ekki upp í langan tíma. Það var gaman að vera þarna út af tónlistinni en þegar hlutirnir hættu að snúast um tónlistina og meira um að fara í samkvæmi hafði ég ekki lengur áhuga.“

Björk, sem flutti til London í byrjun tíunda áratugarins, býr núna í New York.