Paris Hilton þakklát

Paris Hilton þreytist ekki á að veita viðtöl úr fangelsinu og nú er hún alveg sannfærð um að hún sé orðin miklu betri manneskja eftir alla þessa fangelsisdvöl. American Idol kappinn Ryan Seacrest spjallaði við Paris sem sagðist vera miklu þakklátari núna.

„Ég er miklu þakklátari fyrir allt sem ég fæ, hvort sem það er koddi á kvöldin eða matur,“ sagði Paris auðmjúk í viðtalinu sem stóð yfir í um tíu mínútur. „Að miklu leyti er ég mjög ánægð að hafa lent í þessu því þetta hefur breytt lífi mínu að eilífu,“