Kvæðakonan Camilla á blogginu

Steinunn Camilla úr stúlknasveitinni Nylon hefur opnað bloggsíðuna manzana.blog.is sem væri ef til vill ekki til frásögur færandi nema þar sýnir söngkonan hæfileika sína með kveðskap og ljóðagerð. „Ég hef nú skrifað ljóð síðan að ég var níu ára,“ segir Steinunn sem tók bloggið í sína þjónustu í síðustu viku.

Ljóðin eru af öllum stærðum og gerðum. Steinunn segir þetta einfaldlega vera hugljúfar pælingar um lífið og tilveruna en að ekki standi til að gefa þetta út á bókarformi. „Þetta er nú bara eitthvað sem ég geri í mínum frístundum,“ segir Steinunn sem bjóst ekki neitt sérstaklega við að hún kæmi að gerð lagatexta hjá Nylon-flokknu. Slíkt væri nánast alfarið í höndunum á Ölmu sem væri snillingur í slíku.

Nylon-stelpurnar eru komnar í langþráð sumarfrí eftir að hafa verið á stanslausum þönum í rúm þrjú ár.