Ók ölvaður á umferðaljós og stöðumæli

Óvenju margir voru stöðvaðir ölvaðir undir stýri síðasta sólahring á höfuðborgarsvæðinu. Alls voru níu teknir á þessum tíma, þar af voru fimm í Reykjavík, þrír í Hafnarfirði og einn í Garðabæ.

Þetta voru sjö karlmenn á aldrinum 18 - 44 ára og tvær konur önnur tvítug en hin hálfsextug. Sú yngri gaf upp rangt nafn en í ljós kom við nánari athugun að búið var að svipta hana ökuleyfi. Einn karlanna ók á umferðaljós og stöðumæli áður en hann var stöðvaður.

Þrjátíu umferðaróhöpp voru tilkynnt til lögreglu í gær, Tíu óku of hratt og fimm fóru yfir á rauðu ljósi.