Flestir smituðust af salmonellu á Spáni eða í Búlgaríu

Langflestir þeirra íslensku ferðamanna sem smituðust erlendis af salmonellu á síðasta ári smituðust á Spáni eða í Búlgaríu. Árið 2006 voru 108 einstaklingar greindir með salmonellu á Landspítala-Háskólasjúkrahús. 

Fjöldi þeirra sem smitaðist hér á landi var svipaður og síðustu ár en nokkuð breytilegt var hvar íslenskir ferðamenn smituðust erlendis. Árið 2005 greindust langflestir með smit eftir dvöl á Spáni. Á síðasta ári fækkaði tilfellum frá Spáni töluvert en þá greindust tuttugu og þrír með salmonellu sem komu þaðan eða jafnmargir og komu frá Búlgaríu.