Innlent

Umhverfisráðherra fundar með Strætó

MYND/GVA
Umhverfisráðuneytið hefur átt fund með fulltrúum Strætós bs. um hugsanlega þátttöku ríkisins í kostnaði við rekstur almenningssamgangna. Þetta kemur fram í svari Jónínu Bjartmarz umhverfisráðherra við fyrirspurn Björns Inga Hrafnssonar, varaþingmanns Framsóknarfloksins.

Í svari umhverfisráðherra kemur enn fremur fram að það sé ekki lögbundið hlutverk sveitarfélaga að sinna almenningssamgöngum. Engu að síður veiti flest fjölmennustu sveitarfélög landsins slíka þjónustu. Almenningssamgöngur séu þjóðfélagslega hagkvæmar og stuðli að margvíslegum umhverfislegum ávinningi.

Íslensk stjórnvöld hafi skuldbundið sig til að draga úr losun gróðurhúsalofttegunda, þar meðal frá samgöngum með eflingu almenningssamgangna og mikilvægt sé að ríki og sveitarfélög fari í sameiningu yfir þennan málaflokk með það að markmiði að bæta rekstrarskilyrði almenningssamgangna.

Mest lesið


Fleiri fréttir

Sjá meira


×

Mest lesið