Hættið að kvarta

Leikkonan Elizabeth Taylor hefur gefið ungum stjörnum í Hollywood góð ráð varðandi framtíðina og segir að þær eigi að hætta að kvarta undan vandræðunum sem fylgi frægðinni. „Frægð kostar ykkur einkalíf ykkar. Þið eigið engan rétt á einkalífi,“ sagði Taylor í sjónvarpsviðtali við Entertainment Tonight.

Á hún þar við stjörnur á borð við Lindsay Lohan, Britney Spears og Paris Hilton. „Ef við viljið vera út af fyrir ykkur skuluð þið ekki leita eftir athygli. Það er þægilegt að vera heima hjá sér og þið getið gert það að góðu athvarfi.“

Taylor segir að þær ungu stjörnur sem séu sífellt úti á lífinu geti sjálfum sér kennt um athyglina sem þær fái. „Sumar af þessum ungu stelpum eru sífellt í kringum fjölmiðlana. Ef þið viljið hafa þetta þannig þá verður þetta þannig. Það eru samt milljón leiðir til að komast hjá þessu.“

Hvetur Taylor stúlkurnar til að læra af hennar reynslu og halda partí fyrir fræga fólkið heima hjá sér. „Þið getið eignast ykkar eigin vinahóp og verið með honum.