Kveikti í hárinu á sér á Loftleiðum

„Allir eru alveg rosalega ánægðir og þetta gekk mjög vel," segir Auðunn Blöndal en um helgina fóru fram áheyrnarprufur fyrir raunveruleikaþáttinn Leitin þar sem ærslabelgjatríóið Strákarnir reynir að finna arftaka sinn. Félagarnir voru mættir klukkan hálf tíu á sunnudagsmorgni og voru ekki komnir til síns heima fyrr en laust eftir miðnætti.

Þeir Auðunn og Sverrir Þór voru síðan á flakki um borg og bí á mánudeginum til að leita uppi þá tíu sem komust áfram í gegnum niðurskurðinn og var þeim víðast hvar vel tekið þegar þá bar að garði. Þegar Fréttblaðið náði í skottið á þeim voru þeir á Essó-stöðinni á Ártúnshöfða þar sem Ragnari Erling Hermannssyni var tilkynnt valið. „Hann tók þessu fagnandi. Ragnar er samkynhneigður og stoltur af því. Mjög flippaður náungi og hlakkar mikið til að breyta aðeins um starfsumhverfi. Hætta að vinna á benínsstöðinni og verða sjónvarpsstjarna," útskýrir Auðunn.

Sjónvarpsmaðurinn segir að þeir tíu sem sjónvarpsáhorfendur fá að berja augum þegar þátturinn fer í loftið 20.apríl séu æði skrautlegir. Þeir spanni í raun alla flóru mannlífsins og því geti áhorfendur heima í stofu búist við ótrúlegustu hlutum á skjánum. „Það gekk í það minnsta nógu mikið á í áheyrnarprufunum," segir Auðunn. „Og kannski var gott fyrir okkur að verða vitni að því að við vorum tiltölulega heilbrigðir miðað við þá geðsjúklinga sem þarna komu," bætir Auðunn við og segir að menn hafi kveikt í hárinu á sér og einn hafi tekið upp á því að drekka hland fyrir framan myndavélarnar. „Við gætum þó fyllsta velsæmis og skoðum hvað má birta og hvað ekki," segir Auðunn.

Sjónvarpsmaðurinn segir að þeir tíu sem sjónvarpsáhorfendur fá að berja augum þegar þátturinn fer í loftið 20.apríl séu æði skrautlegir. Þeir spanni í raun alla flóru mannlífsins og því geti áhorfendur heima í stofu búist við ótrúlegustu hlutum á skjánum. „Það gekk í það minnsta nógu mikið á í áheyrnarprufunum," segir Auðunn. „Og kannski var gott fyrir okkur að verða vitni að því að við vorum tiltölulega heilbrigðir miðað við þá geðsjúklinga sem þarna komu," bætir Auðunn við og segir að menn hafi kveikt í hárinu á sér og einn hafi tekið upp á því að drekka hland fyrir framan myndavélarnar. „Við gætum þó fyllsta velsæmis og skoðum hvað má birta og hvað ekki," segir Auðunn.