fréttir af fólki

Sveitasöngvaranum Keith Urban sárnar mjög þegar fjölmiðlar fjalla einungis um hann sem eiginmann Nicole Kidman og um vímuefnavandamál hans í stað þess að minnast einu orði á tónlistarferilinn.

„Mér sárnar þetta mjög, engin spurning,“ sagði Urban

Benedikt XVI páfi hefur gagnrýnt Jóhannes Pál páfa, sem lést árið 2005, fyrir að stíga upp á svið með rokkaranum Bob Dylan. Benedikt er mjög mótfallinn rokktónlist og telur að hún sé runnin undan rifjum djöfulsins. Tónleikar Dylans voru haldnir í Bologna á Ítalíu árið 1997 þar sem hann söng m.a. Knockin" On Heavens Door.

Sjö ára dóttir leikarans Johnny Depp er á batavegi eftir að hafa veikst skyndilega á dögunum. Var hún flutt á sjúkrahús á Englandi en ekki hefur verið greint frá því hvað amaði að henni. Voru foreldrar hennar, Depp og Vanessa Paradis, hjá henni öllum stundum. Depp er um þessar mundir í London að leika í kvikmynd sem er byggð á söngleiknum Sweeney Todd.