Fúlgur fyrir fundinn

Aðdáendur popparans Michaels Jackson þurftu að borga tæpar 230 þúsund krónur á mann til að fá að hitta goðið í Tókýó á dögunum. Biðu aðdáendurnir spenntir eftir því að fá að spjalla við Jackson og taka myndir af honum á sérstökum fjöldafundi sem var settur upp fyrir þá. Söng hann hvorki né dansaði fyrir aðdáendurna.

„Ég myndi borga tíu sinnum hærri upphæð hvar og hvenær sem er,“ sagði Carlo Riley, aðdáandi Jacksons. Flaug hann sérstaklega til Japans frá Bandaríkjunum til að hitta popparann sérvitra.