Ert þú á leið til Írak?

Í staðinn fyrir að útskýra hvaða hótel býr yfir huggulegusta sundlaugargarðinum, eða hvar besti sjávarréttaveitingastaðurinn sé, kennir bókin manni nauðsynlega hluti, eins og hvað á að gera sé manni rænt, og hvernig á að höndla jarðsprengjur og minniháttar hryðjuverkaárásir.

Pelton er rithöfundur og kvikmyndagerðarmaður og hefur viðað að sér upplýsingum um alla þá stórhættulegu staði sem hann ferðast til vegna vinnu. Hann lenti meðal annars í umsátrinu um Grosní í Tsjetsjeníu, tilraun uppreisnarmanna til að ná völdum í Monróvíu höfuðborg Líberíu og tók þátt í leit CIA manna að Bin Laden á yfirráðasvæði stríðsherra í norður-Pakistan.

Á heimasíðu Peltons er listi yfir lönd heims og sérstakar færslur um þau sem þykja hættuleg. Að lönd eins og Kólumbía, Írak, Súdan og Afganistan séu á listanum kemur kannski fáum á óvart. Meiri athygli vekja Bandaríkin, sem eru eina vestræna landið sem ratar á listann. Útskýrir höfundur það með því að fleiri en 200 milljón byssur séu í landinu.

Heimasíðuna má skoða hér: