Innlent

Hjartavernd fær 1,5 milljarða króna styrk frá Bandaríkjunum

MYND/GVA

Öldrunarstofnun bandaríska heilbrigðisráðuneytisins hefur styrkt Hjartavernd um rúmlega 1,5 milljarða króna til áframhaldandi rannsókna á öldrun.

Hjartavernd hefur í fimm ár staðið fyrir öldrunarrannsókn sem er sú umfangsmesta og ítarlegasta sem gerð hefur verið á öldrun í heiminum. Fram kemur í tilkynningu frá Hjartavernd að nærri sex þúsund manns hafi tekið þátt í rannsókninni og er ætlunin er að bjóða þeim áframhaldandi rannsóknir.

Markmið rannsóknarinnar er að reyna að kanna frekar þá þætti sem ákvarða heilbrigði öldrunar og í framhaldinu standa vonir til að hægt verði að nota niðurstöðurnar til að grípa til fyrirbyggjandi aðgerða til að sem flestir eigi þægilegt ævikvöld. Rannsóknin og niðurstöður hennar hafa verið kynntar á fjölmörgum vísindaráðstefnum og í vísindagreinum sem vakið hafa verðskuldaða athygli um heim allan.

Öldrunarstofnun bandaríska heilbrigðisráðuneytisins hefur verið aðalbakhjarl rannsóknarinnar en með framlaginu nú verður heildarkostnaður verkefnisins tæpir fimm milljarðar íslenskra króna.

Mest lesið


Fleiri fréttir

Sjá meira


×

Mest lesið