Enn lífsmark í aurskriðum á Filippseyjum

Björgunarmenn vinna nú hörðum höndum að því að grafa frá skóla sem að lenti undir aurskriðu á eynni Leyte á Filippseyjum eftir að lífsmarks varð vart undir skriðunni.

Óttast var að allir sem inni voru í skólanum þegar skriðan féll væru látnir en með notkun hátækni búnaðar var hægt að nema að enn væri fólk með lífsmark þar inni. Óstaðfestar fregnir herma að búið sé að bjarga fimmtíu manns úr skólanum en talsmaður Bandaríkjahers hefur ekki fengist til að staðfesta það. Eyjan Leyte í nokkur hundruð kílómetra fjarlægð suðuaustur af Maníla, höfuðborg Filippeyja. Meira en tvöhundruð og fjörtíu börn voru inni í skólanum þegar skriðan féll ásamt sjö kennurum. Óttast hefur verið um afrdif íbúa eyjunnar en þorpið Guinsaugon á eyjunni er nær allt þakið aur.