Þungatakmarkanir á fjórum vegum frá og með morgundeginum

Vegagerðin bendir á að vegna hættu á slitlagaskemmdum verður viðauki 1 felldur úr gildi og ásþungi takmarkaður við 10 tonn á eftirfarandi vegum frá og með kl. 8 í fyrramálið, 5. desember:

85 - Norðausturvegur frá Húsavík til Vopnafjarðar

92 - Norðfjarðarvegur frá Egilsstöðum til Neskaupstaðar

96 - Suðurfjarðavegur frá Norðfjarðarvegi að Hringvegi í Breiðdal

1 - Hringvegur frá Suðurfjarðavegi í Breiðdal að Djúpavogsvegi

Vegir eru víðast auðir um sunnanvert landið en annars staðar er víða einhver hálka . Á Vestfjörðum er ófært um Hrafnseyrarheiði, Dynjandisheiði og Eyrarfjall. Á Norðurlandi er unnið að mokstri á Lágheiði.