Óbreytt staða þegar búið er að telja 3.000 atkvæði

Búið er að telja 3.000 atkvæði í prófkjöri Samfylkingarinnar í Suðurkjördæmi. Björgvin G. Sigurðsson er nokkuð öruggur í fyrsta sætinu með 984 atkvæði en næstur á eftir honum í fyrsta sætið er Jón Gunnarsson með 681 atkvæði.

Gríðarleg spenna er um annað sætið en Lúðvík Bergvinsson vantar aðeins 12 atkvæði til að ná sætinu af Ragnheiði Hergeirsdóttur. Ragnheiður er með 896 atkvæði í 1.-2. sætið en Lúðvík 884 atkvæði. Tæpt er einnig á þriðja sætinu en Róbert Marshall er með 1.138 atkvæði í 1.-3. sætið en Lúðvík vantar aðeins 17 atkvæði til að verða jafn Róberti.

Björgvin er með 984 atkvæði í 1. sæti. Ragnheiður Hergeirsdóttir er í 2. sæti með 896 atkvæði í 1.-2. sætið. Róbert Marhall er í 3 sæti með 1.138 atkvæði í 1.-3. sætið. Lúðvík Bergvinsson er í 4. sæti með 1360 í 1.-4. sætið og Jón Gunnarsson er í 5. sæti með 1.154 atkvæði í 1.-5. sætið. Guðrún Erlingsdóttir er í 6. sæti með 991 atkvæði í 1.-6. sæti. Jenný Þórkalta Magnúsdóttir er í 7. sæti með 870 atkvæð í 1.-7. sæti. Lilja Samúelsdóttir er í 8. sæti. Sigríður Jóhannesdóttir er í 9. sæti. Öndundur S. Björnsson er í 10. sæti. Hlynur Sigmarsson er í 11. sæti. Gylfi Þorkelsson er í 12 sæti. Hörður Guðbrandsson er í 13. sæti. Bergvin Oddsson er í 14. sæti. Árni Rúnar Þorvaldsson er í 15. sæti. Unnar Þór Böðvarsson er í 16. sæti og Júlíus H. Einarsson er í 17. sæti.