Illugi mætir aðjunktinum unga

Um aðra viðureign 8 manna úrslitaIllugi Jökulsson fjölmiðlamaður og Snorri Sigurðsson líffræðiaðjunkt mætast í annari viðureign 8 manna úrslita í spurningaþættinum Meistaranum sem sýndur er á Stöð 2 í kvöld, fimmtudaginn 13. mars kl. 20:05

 

Snorri Sigurðsson

24 ára gamall aðjúnkt í líffræði við Kennaraháskóla Íslands, mætir nú til leiks í þriðja sinnið. Í fyrstu umferð gerði hann sér lítið fyrir og lagði Sigurð Kára Kristjánsson alþingismann. Snorri varð svo fyrstur til að tryggja sér sæti í 8 manna úrslitum er hann lagði Önnu Pálu Sverrisdóttur í fyrstu viðureign 16 manna úrslita.

 

 

Illugi Jökulsson

Mætti til leiks í annarri umferð og lagði þar Ágúst Örn Gíslason í sveiflukenndri og eftirminnilegri viðureign. Ljóst má vera að Snorri og Illugi eru verðugir keppinautar og er ómögulegt um það að spá hvor þeirra verður annar til að tryggja sér sæti í 4 manna úrslitum.

 

 

 

 

Í síðustu viku varð Jónas Örn Helgason, rösklega tvítugur verkfræðinemi,

fyrstur til að tryggja sér sæti í 4 manna úrslitum Meistarans er hann lagði Steinþór A. Arnsteinsson í æsispennandi rimmu.

 

 

Aðrar viðureignir í 4 manna úrslitum eru sem hér segir:Mörður Árnason - Erlingur Sigurðsson

Inga Þóra Ingvarsdóttir - Kristján Guy Burgess

Meistarinn hefur fengið geysigóðar viðtökur síðan hann hóf göngu sína um síðustu jól. Það staðfestist í dagbókarkönnun Gallup, sem birt var á dögunum, en þar kemur fram að þátturinn er orðinn næstvinsælasti þátturinn á Stöð 2 á eftir Idol-Stjörnuleit með 41% uppsafnað áhorf meðal ákrifenda Stöðvar 2 og 21% meðal allra sjónvarpsáhorfenda á aldrinum 12-80 ára.

Einvígi upp á 5 milljónir krónaMarkmiðið með Meistaranum var að leiða saman til spennandi einvígis

skörpustu menn og konur landsins; jafnt þau sem þegar eru orðin landsmönnum að góðu kunn fyrir frækna framgöngu í spurningakeppnum, sem og aðra sem til stendur að uppgötva, laða fram á sjónvarsviðið. Allir sem náð hafa 20 aldursárum áttu þess kost að taka þátt. Efnt var til inntökuprófs - "Meistaraprófs" - í nóvember á fjórum stöðum á landinu, í Reykjavík, Egilsstöðum, Akureyri og á Ísafirði og var þáttaka með mesta móti. Þeir hlutskörpustu í prófinu munu mæta til leiks í Meistaranum, ásamt nokkrum af nafntogaðri gáfumönnum og spurningahaukum lansins.

Meistarinn á sér enga fyrirmyndir, er nýr og fjölbreyttur spurningaþáttur

fyrir alla fjölskylduna, sem sameina mun allt það besta sem tíðkast hefur í

vinsælum spurningaþáttum. Spennan verður í hávegum höfð og mun ekki einasta reyna á þekkingu keppenda heldur ekki síður kænsku þeirra og heppni. Spurningar eru almenns eðlis, um allt og ekkert, allt frá því að vera níþungar í að vera laufléttar. Reynir því ekki einasta á gáfur keppenda heldur ekki hvað síst á kænsku og heppni. Einn mikilvægasti liðurinn í keppninni er nefnilega sá að keppendur þurfa að velja flokka ýmist handa sér eða mótkeppanda sínum. Keppendur þurfa því að spreyta sig á flokkum sem mótkeppandi velur jafnt og hinum ýmsu mynd- og hljóðdæmum. Þurfi keppandi því að hafa heppnina sín megin og leika leikinn að kænsku til að reyna að koma andstæðingum sínum fyrir kattanef.

Sá sem krýndur verður Meistarinn eftir að hafa lagt alla keppinauta sína í

maður-á-mann útsláttarkeppni mun fá að launum 5 milljónir króna í beinhörðum peningum. Í fyrstu umferð sitja tíu manns hjá. Að fyrstu umferð lokinni þurfa þau sextán sem eftir standa að berjast upp á líf og dauða til að komast áfram í næstu umferð, rétt eins og um bikarkeppni sé að ræða.

Meistarinn er á dagskrá Stöðvar 2 á fimmtudögum kl. 20:05 og endursýndur á laugardögum kl. 16:00 og mánudögum kl. 23:00.

Hægt er að nálgast Meistarann og aðra íslenska þætti sem sýndir eru á Stöð 2, Sirkus, Sýn og NFS á Vísir VefTV visis.is.

Einnig skal bent á vefsíðu þáttarins: www.visir.is/meistarinn

Þar er hægt að nálgast allar upplýsingar um keppnina og keppendur, léttir spurningaleikir í boði og síðast en ekki síst þá bloggar Logi Bergmann reglulega um keppnina, spáir í spilin og greinir frá ýmsu kræsilegu sem ekki kemur fram í þáttunum sjálfum.