Á annan tug sinuelda á höfuðborgarsvæðinu

Sinueldar loga víðar en í Borgarfirði í dag. Slökkvilið höfuðborgarsvæðisins hefur farið í á annan tug útkalla frá því klukkan eitt og hafa slökkviliðsmenn meðal annars fengið aðstoð frá starfsmönnum borgarinnar við að ráða niðurlögum eldanna. Þeir hafa verið kveiktir nánast alls staðar þar sem sinu er að finna á höfuðborgarsvæðinu, en mest hefur verið um þá í Breiðholti, Grafarvogi og Hafnarfirði. Að sögn varðstjóra hjá slökkviliðinu hafa unglingar líklega verið að kveikja eldanna en hingað til hafa þeir allir verið minniháttar.