Innlent

Dr. Hans Blix á leið til Íslands

Dr. Hans Blix verður á Íslandi 4.-8. apríl til að halda fyrirlestur um gereyðingavopn, Sameinuðu þjóðirnar og valdbeitingu í alþjóðasamfélaginu. Það er Háskóli Íslands í samvinnu við Sendiráð Svíþjóðar og félag Sameinuðu þjóðanna á Íslandi býður Hans Blix til Íslands. Hans Blix mun einnig opna sýningu í Norræna húsinu fimmtudaginn 6. apríl kl. 17.30 til minningar um hundrað ára afmæli Dag Hammarskjöld, sem var framkvæmdastjóri Sameinuðu þjóðanna árin 1953-1961.

Geir H. Haarde utanríkisráðherra mun verða viðstaddur athöfnina og tala um mikilvægi Sameinuðu þjóðanna fyrir Ísland. Ennfremur mun Hans Blix halda málstofu fyrir meistaranemendur Háskóla Íslands í alþjóðasamskiptum, þar sem reynsla og hlutverk Blix sem yfirmanns vopnaeftirlits Sameinuðu þjóðanna í Írak verður greint og rætt í ljósi kenninga um samningatækni í alþjóðasamskiptum.

Miðvikudaginn 5. apríl kl. 17 mun Hans Blix halda stuttan fyrirlestur í Háskólanum á Akureyri um Dag Hammaskjöld og embættismenn á vegum alþjóðastofnana.

Haldinn verður blaðamannafundur með Hans Blix að loknum fyrirlestrinum í Háskólanum á Akureyri

Dr. Hans Blix er formaður nefndar gegn gereyðingaervopnum (WMDC), fyrrverandi utanríkisráðherra Svíþjóðar, fyrrverandi yfirmaður vopnaeftirlits Sameinuðu þjóðanna (UNMOVIC) og fyrrverandi aðalforstjóri Alþjóðakjarnorkumálastofnunarinnar (IAEA).



Fréttir Innlent

Mest lesið


Fleiri fréttir

Sjá meira


×

Mest lesið