Sonur Sharons í fangelsi

Omri Sharon, sonur Ariels Sharon forsætisráðherra Ísraels, var í dag dæmdur í níu mánaða fangelsi fyrir að hafa, með ólögmætum hætti, afla fé fyrir baráttu föðurs síns um formannsembætti Líkúd-bandalgsins árið 1999.

Í nóvember í fyrra játaði Omri Sharon á sig skjalafals og brot á fjáröflunarlögum fyrir stjórnmálaflokka. Hann viðurkenndi einnig að hafa logið eiðsvarinn fyrir rétti. Omri sagði síðan af sér þingmennsku í janúar.

Samið var um að falla frá ákæru í nokkrum liðum en fangelsisvistar var krafist vegna alvarlegustu brotanna. Omri verður gert að halda skilorð í níu mánuði eftir fangelsisvistina og að greiða sekt. Þyngsta refsing fyrir brot Omris er fimm ára fangelsi.