Segist hafa fundið bóluefni gegn fuglaflensu

Stórt lyfjafyrirtæki í Ástralíu segist hafa fundið bóluefni gegn fuglaflensu. Samkvæmt bráðabirgðaniðurstöðum úr rannsókn á virkni hins nýja bóluefnis, ættu fimmtán míkrógrömm af efninu að duga til að koma í veg fyrir fuglaflensu hjá fullorðnu fólki.

Fyrirtækið segist hafa leitað leiða til að finna minnsta mögulega virka skammt af bóluefninu, enda sé ljóst að lyfjafyrirtæki hemisins hafi ekki getu til að framleiða nema takmarkað magn af efninu á skömmum tíma. En þó að enn sé óljóst hvort efnið virki fullkomlega, segjast vísindamenn lyfjarisans CSL handvissir um að hægt sé að búa til skothelt bóluefni gegn fuglaflensu með tækni sem nú þegar sé til staðar.