Óeirðir vegna forsetakosninga á Haítí

Allt logar í óeirðum á Haítí, þar sem stuðningsmenn forsetaframbjóðandans Renes Preval eru ævareiðir eftir kosningarnar og telja að brögð hafi verið í tafli. Þeirra maður náði ekki hreinum meirihluta eins og útlit var fyrir og því stefnir allt í halda verði aðra umferð. Stuðningsmenn Prevals hafa látið öllum illum látum, komið upp vegtálmum og kveikt í hjólbörðum. Í gær lést einn og nokkrir slösuðust í hörðum átökum mótmælenda og friðargæsluliða. Vitni segja að friðargæsluliðarnir hafi skotið að mannfjöldanum, en talsmaður Sameinuðu Þjóðanna segir þá hafa skotið upp í loft, til að dreifa mótmælendunum.