Fyrsta lag Daníels

Fyrsta lag Daniels Olivers, sem tók þátt í Idol-Stjörnuleit fyrr á árinu, kemur út á næstunni ásamt tónlistarmyndbandi. Lagið nefnist Over You og er ballaða eftir Daniel sjálfan. Verður það að finna á væntanlegri plötu Daniels, sem hefur ekki fengið útgáfudag.

"Með hjálp frá góðu fólki er ég að gera plötu sem vonandi kemur út um jólin. Ég er samt ekkert að flýta mér og það getur verið að hún dragist fram á næsta ár ef ég verð ekki hundrað prósent sáttur við hana," segir Daniel, sem hefur haft sig lítið í frammi síðan hann lauk keppni í Idol. "Ég hef aðeins verið að koma fram en ekkert opinberlega. Ég er aðallega að vinna í laginu og myndbandinu," segir hann.

Myndbandið kemur út á svipuðum tíma og lagið. Gerist það í Reykjavík og er tekið upp í svarthvítu.