Lögregla hefur afskipti af mótmælendum

Mótmælendur Kárahnjúkavirkjunar lokuðu fyrir alla umferð um veginn að Ufsastíflu um tíma í dag og hótaði lögreglan á Seyðisfirði þeim handtöku færu þeir ekki burt með góðu. Þetta er í fyrsta sinn á þessu ári sem slær í brýnu milli mótmælenda og lögreglu.

Hátt í 40 mótmælendur sem flestir eru af erlendum uppruna tóku sér stöðu á veginum og komu þannig í veg fyrir að umferð kæmist þar um. Með aðgerðum sínum vildu þeir vekja athygli á þeim framkvæmdum sem nú eiga sér stað við Eyjabakka en ráðgert er að stífla Jökulsá á Fljótsdal norðan votlendisins við Eyjabakka.

Hátt í 40 mótmælendur sem flestir eru af erlendum uppruna tóku sér stöðu á veginum og komu þannig í veg fyrir að umferð kæmist þar um. Með aðgerðum sínum vildu þeir vekja athygli á þeim framkvæmdum sem nú eiga sér stað við Eyjabakka en ráðgert er að stífla Jökulsá á Fljótsdal norðan votlendisins við Eyjabakka.

Lögreglan á Seyðisfirði hafði afskipti af mótmælendunum, en svæðið er lokað allri umferð. Að sögn vitna hótaði hún þeim handtöku færu þeir ekki af svæðinu tafarlaust. Þetta er í fyrsta sinn á þessu ári sem lögregla hefur þurft að hafa bein afskipti af mótmælendum.