Valgerður gefur ekki kost á sér

Valgerður H. Bjarnadóttir bæjarstjórnarfulltrúi Vinstri-grænna á Akureyri hefur ákveðið að gefa ekki kost á sér í annað sætið á lista flokksins fyrir sveitastjórnarkosningarnar í vor. Valgerður sóttist eftir því að leiða listann.

Valgerður hefur verið eini fulltrúi Vinstri-grænna í bæjarstjórn Akureyrar á kjörtímabilinu. Hún á jafnframt sæti í bæjarráði. Valgerður sóttist eftir því að leiða lista Vinstri-grænna í komandi sveitastjórnarkosningum á Akureyri en Baldvin H. Sigurðsson sigraði hins vegar í forvalinu. Valgerður ætlar ekki að þiggja annað sætið. Hún segir að niðurstaða kjósenda hafi verið skýr og því telji hún rétt að þiggja ekki sætið. Hún segjist þó hissa á úrslitunum enda Baldvin óskrifað blað innan fylkingarinnar. Valgerður situr út kjörtímabilið en segir óvíst hvað við taki eftir það en telur þó að verkefnin muni ekki skorta.