Tveir snarpir skjálftar á Reykjaneshrygg í nótt

Skjáltahrina var úti á Reykjaneshrygg á milli eitt og tvö í nótt, þar af voru tveir skjálftar allsnarpir. Sá fyrri varð um hálftvö og mældist 3,6 á Richter en hinn varð laust fyrir klukkan tvö og mældist hann 4,5. Skjálftanna varð ekki vart á landi þar sem upptök þeirra eru nokkuð langt úti á Reykjaneshrygg, eða um 100 kílómetra suðvestur af Reykjanestá. Þær upplýsingar fengust á eðlisfræðisviði Veðurstofunnar að skjálftarnir væru ekki fyrirboði neins sérstaks en nokkur skjálftavirkni hefur verið á Reykjaneshrygg frá árinu 2000.