Jim Carrey með Jenny McCarthy

Jim Carrey og leikkonan Jenny McCarthy hafa eitthvað verið að hittast undanfarna mánuði en síðustu vikurnar hafa þau sést mikið opinberlega og virðast mjög hamingjusöm saman. Jim og Jenny létu sjá sig á Radiohead-tónleikum í Los Angeles í lok júní. Þau virtust skemmta sér mjög vel. Þetta var eins og að horfa á rómantíska gamanmynd, sagði einn tónleikagesta.

Þegar þrjár mæður nálguðust parið og sögðu að börnin þeirra hefðu verið yfir sig hrifin af The Mask tók Jim Carrey upp á því að ranghvolfa augunum og leika frægt atriði í myndinni, börnunum og kærustunni til mikillar ánægju. Vinur leikarans, sem er 44 ára, segir að hann sé mjög hamingjusamur en Carrey hefur áður glímt við þunglyndi. Hann og McCarthy eiga hvort um sig eitt barn úr fyrra hjónabandi.