Harma myndbirtingu ástralskrar sjónvarpsstöðvar

Bandarísk yfirvöld harma að ástralska sjónvarpsstöðin SBS hafi sýnt nýjar myndir af misþyrmingum á íröskum föngum sem áttu sér stað í Abu Graib fangelsinu árið 2003. Myndirnar væru olía eld núverandi ástands og gætu leitt til ofbeldis. Þegar hafi verið gripið til aðgerða gagnvart þeim hermönnum Bandaríkjahers sem gerðust sekir um misþyrmingar í fangelsinu. Forsvarsmenn stöðvarinnar segja myndirnar sýna fram á að mun alvarlegri hlutir hafi átt sér stað en áður var talið og að það hafi verið skylda stöðvarinnar að birta myndirnar.