Veit hvað hann syngur

Paul Smith var aðeins 15 ára gamall þegar hann hóf störf í tískuheiminum. Smith byrjaði sem sendill í vöruhúsi en hefur jafnt og þétt unnið sig uppá við, svo hægt sé til orða tekið. Hann er í dag meðal fremstu hönnuða Bretlands, þekktur fyrir vandaða og flotta vöru. Smith selur vörur sínar um allan heim og hér á landi er það verslunin Kultur Menn í kringlunni sem selur herrafatalínu hans.

Smith byrjaði að selja aðeins herrafatnað en árið 1994 kom hann með dömulínu. Smith er hugmyndaríkur hönnuður og undir hans nafni er ilmvatnslína, innanstokksmunir og allskyns fylgihlutir. Vörumerkið hans eru marglitar rendur sem hann er notar óspart í vörurnar sínar. Þar sem Heimsmeistarakeppnin í fótbolta er á næsta leyti hefur Smith hannað einskonar fótbolta línu sem samanstendur af hátísku fótbolta treyjum og fallegum leðurboltum. Vor og sumarlína hans er einkennist af blómaþema, jafnt hjá herrum sem dömum.