Spenna fyrir alla fjölskylduna

Félagslega íbúðahverfið Knoxland í Edinborg er enginn sælureitur og því fær lögreglumaðurinn Rebus að kynnast í spennusögu hins nýbaka Íslandsvinar Ians Rankins. Ólöglegur innflytjandi finnst myrtur í slömminu, tvær beinagrindur dúkka uppundan steyptu kjallaragólfi á öðrum stað í borginni og nauðgari gerir hinni heillandi samstarfskonu Rebusar, Siobhan, lífið leitt. Sem fyrr glímir lögreglumaðurinn við lúmska glæpamenn og siðspillt samfélag þar sem græðgi, vantraust og ofbeldissegir vaða uppi. Þýðandi bókarinnar er Anna María Hilmarsdóttir en bókaútgáfan Skrudda gefur út.

Krakkar get kæst yfir nýjustu bókinni í Spiderwick-seríunni en nú er þriðja bókin, Leyndarmál Lúsindu, komin út en fyrstu tvær bækurnar fengu prýðisviðtökur. Þrír venjulegir krakkar, Jared, Simon og Mallory Grace, hafa farið inn í annan heim, án þess að yfirgefa þennan. Höfundarnir Tony DiTerlizzi og Holly Black hafa lagt allt í sölurnar til að draga þessa ótrúlegu atburði fram í dagsljósið. Búálfar, svartálfar, tröll og huldufólk koma við sögu í þessu æsispennandi ævintýri.

Enn önnur skrautfjöður í hatt Skruddu útgáfunnar er sagan um Fólkið í blokkinni eftir Ólaf Hauk Símonarson sem lesendur á öllum aldrei eiga ábyggilega eftir að slást um að fá að lesa. Þar segir frá unglingsstúlkunni Viggu sem býr ásamt fjölskyldunni sinni á níundu hæð í blokk í Hólunum. Vigga hefur frá frá ýmsu að segja. enda er lífið í blokkinni hreint ótrúlega fjölbreytilegt. Þar býr margt skondið og skemmtilegt fólk, til aðmynda Robbi húsvörður sem trompast ef hann sér hund, Malla norn sem getur galdrað graftarbólur á nefið á leiðinlegum strákum, Loftur Loftsson sem á hundinn Loft, tvíburarnir Ari og Bjarni sem enginn þekkir í sundur, þunglyndi leikarinn og síðast en ekki síst hann Óli, bróðir Viggu, sem á talandi páfagauk.