Vorleiðangri Hafró lokið

Þann 1. júní síðastliðinn lauk árlegum vorleiðangri Hafrannsóknastofnunarinnar. Athuganir voru gerðar á 114 stöðum umhverfis landið. Helstu niðurstöðurnar voru að sjávarhiti væri hár og mikil selta sunnanlands og vestan, en hiti um meðallag og selta undir meðallagi norðan- og austanlands. Gróður var víðast hvar lítill en átumagn við landið var yfir langtímameðaltali á flestum rannsóknarstöðvum. Alls tóku tólf vísindamenn þátt í leiðangrinum og þar af þrír frá erlendum samstarfsstofnunum. Leiðangurinn var farinn á rannsóknarskipinu Bjarna Sæmundssyni og Sólveig R. Ólafsdóttir var leiðangursstjóri.