Lánastarfsemi Íbúðalánasjóðs

Engin takmörk eru fyrir því hversu mikið Íbúðalánasjóður má lána íslenskum bönkum og sparisjóðum eftir að ný stefna um áhættustýringu tók gildi. Fyrri stefna var aðeins í gildi í nokkra mánuði þar sem höfundar hennar sáu ekki fyrir gríðarlegar uppgreiðslur íbúðalána vegna samkeppni frá bönkunum en sú upphæð nemur eitt hundrað og fimmtíu milljörðum. Íbúðalánasóður hefur lánað bönkum og sparisjóðum áttatíu milljarða króna, af því fé sem hann situr uppi með eftir að viðskiptavinir hans hafa í stórum stíl greitt upp lánin sín vegna hagstæðari kjara hjá bönkunum. Þetta er fé sem sjóðurinn skuldar og nýtur ríkisábyrgðar en upphæðin nemur um þriðjungi af heildarhúsnæðislánum bankanna. Þetta er athyglisvert í ljósi þess að ráðherrar og þingmenn Framsóknarflokksins hafa verið ötulir við að gagnrýna bankana fyrir ábyrgðarleysi í útlánum sem leiði til þenslu og hafi þann tilgang að leiðarljósi að setja Íbúðarlánasjóð á hausinn.  Árni Magnússon segist hinsvegar hafa fagnað komu bankanna inn á húsnæðismarkaðinn þótt það hafi í för með sér vaxtaverki og hann segir vera um ákveðna hringrás peninga að ræða en bendir á að peningar finni sér alltaf farveg og hvort að þaran þarf að hæjga á eða ekki veit hann ekki en raðurneyti er að skoða það ´samt felrir aðilum Uppgreiðslur hafa verið meiri en gert var ráð fyrir og hann telur líklegt að bregðast þurfi við því. Þeir sem eru með lán hjá Íbúðalánasjóði geta ekki skuldbreytt til að fá hagstæðari vexti, og sjóðurinn lánar ekki meira en sextán milljónir króna til íbúðakaupa.  Íbúðalánasjóður lánar hins vegar öðrum lánastofnunum ríkistryggt lánsfé til að lána sem þeir lána sínum viðskiptavinum svo aftur til að fjármagna hvers kyns neyslu. Aðspuður um að hvort að það sé ekki athugavert að Íbúðalánasjóður sé að lána öðrum lánastofnunum segir Árni svo ekki vera en þau mál þurfi að skoða. Húsnæðislán Íbúðalánasjóðs eru með veði í húsnæði landsmanna en það virðist ekki skipta máli. Árni ítrekar að það sé verið að skoða stöðu Íbúðarlánasjóðs þessa dagana en segist sjálfur ekki hafa áhyggjur.