Osman framseldur til Bretlands

Hussain Osman, einn fjórmenninganna sem grunaðir eru um að hafa staðið fyrir misheppnuðum hryðjuverkaárásum í Lundúnum 21. júlí síðastliðinn, verður framseldur frá Ítalíu til Bretlands. Að þessari niðurstöðu komst Hæstiréttur Ítalíu í dag og staðfesti þar með úrskurð á neðra dómsstigi. Osman, sem einnig er þekktur undir nafninu Hamdi Isaac, var handtekinn á Ítalíu viku eftir árásirnar en talið er að hann hafi reynt að sprengja Sherperd´s Bush neðanjarðarlestina í loft upp. Búist er bið að Osman verði framseldur til Bretlands á næstu dögum en þar bíður hans á ákæra fyrir verknaðinn. Þrír menn, sem taldir eru samverkamenn Osmans þann 21. júlí, hafa þegar verið handteknir og ákærðir fyrir tilræðin.