Tímamót í Skagafirði

Fjölmiðlafundur verður haldinn á morgun vegna undirritunar samkomulags um uppbyggingu menningarhúsa í Skagafirði. Viðstaddir verða Þorgerður Katrín Gunnarsdóttir menntamálaráðherra, Gísli Gunnarsson, forseti sveitarstjórnar Sveitarfélagsins Skagafjarðar, og Agnar H. Gunnarsson, oddviti Akrahrepps. Í tilkynningu segir að þetta séu merk tímamót í menningarlífi Skagfirðinga og muni styrkja það kraftmikla menningarstarf sem fram fer í Miðgarði og víðar í Skagafirði. Fundurinn fer fram í Miðgarði í Skagafirði og hefst kl. 14.30.