Örnum vex ásmegin

Arnarstofninn á Íslandi telur nú yfir 60 varppör og telja starfsmenn Náttúrufræðistofnunar Íslands að stofninn hafi ekki verið stærri í um hálfa öld eða frá því að farið var að fylgjast reglulega með arnarstofninum. Nær öll pörin verpa á hefðbundnum arnarsvæðum vestanlands en svo virðist sem varpsvæðið sé að stækka og vitað er um tvö pör við Húnaflóa og eitt á Suðurlandi. Þá hefur óvenjumikið borið á ungum örnum fyrir norðan og austan og er það í takt við góða afkomu undanfarin ár.