Stjúpættleiddir oftast yfir lögaldri

Fjöldi stjúpættleiddra yfir lögaldri er áberandi hér á Íslandi miðað við nágrannalöndin. Meðalaldur stjúpættleiddra hér á landi er ríflega tuttugu ár og einnig eru áberandi fleiri konur stjúpættleiddar hérlendis en karlar.

Samkvæmt tölum hagstofunnar um ættleiðingar á árunum nítjánhundruð níutíu og níu til tvöþúsund og fjögur voru ættleiðingar fjögurhunduruð og ellefu talsins. Ættleiðingum er skipt í frumættleiðingu þar sem enginn skyldleiki barns er við annað hvort foreldrið og voru slíkar ættleiðingar tvöhundruð þrjátíu og sjö. Og síðan í stjúpættleiðingar, þar sem stjúptengsl eru til staðar innan fjölskyldunnar, og voru þær hundrað sjötíu og fjórar á þessu fimm ára tímbili, eða nær tæplega einn þriðji af ættleingum.

Íslensk lög um ættleiðingar frá 1999 gera ráð fyrir því að ekki sé unnt að ættleiða barn sem náð hefur tólf ára aldri nema með samþykki þess sjálfs. Sjaldgæft er að stjúpforeldrar ættleiði ung börn og flestar stjúpættleiðingar ná til fullorðins fólks. Meðalaldur stjúpættleidra er næstum tuttugu og tvö ár. Athygli vekur einnig að mun fleiri konur eru stjúpættleidar en karlar, þær voru rúmlega helmingi fleiri, eða 121 kona á móti 52 körlum.