Leiðtogarnir undirbúa samninga

Margir leiðtoganna hundrað og fimmtíu, sem sækja afmælisfund Sameinuðu þjóðanna, hafa notað tækifærið til að undirbúa tvíhliða samninga um hin ýmsu málefni. Í gær funduðu til að mynda Pútín Rússlandsforseti og Jalal Talabani, forseti Íraks, og eins átti Ariel Sharon, forsætisráðherra Ísraels, fund með Tayyip Erdogan, forsætisráðherra Tyrklands. Þá ræddi Tony Blair einslega við Pervez Musharraf, forseta Pakistans, um leiðir til að sporna við hryðjuverkum. Leiðtogafundurinn sjálfur heldur svo áfram í dag. Enn sem komið er hefur bara náðst fram útþynnt samþykkt um umbætur hjá Sameinuðu þjóðunum og Kofi Annan lýsti í gær óánægju sinni með þróun mála.