Vændi á Íslandi

Menn frá Vestur-Afríku og Eystrasaltsríkjunum eru taldir hafa komið sér upp söluneti fíkniefna hér á landi. Í fíkniefnaheiminum er sagt að þeir svífist einskis og séu hluti af enn stærra neti sem teygi sig um allan heim. Óttast er að heróín berist hingað til lands innan tíðar. Talað var við norska konu, Liv Gessen, forststöðukonu hjálðarstöðvar vændiskvenna, sem segir að aukningu í vændi megi kannski ekki líkja við sprengingu en það muni þó litlu og að erlent vændi sé að breiðast út um helstu borgir og bæi Noregs. Erlendar vændiskonur eru komnar til Íslands. Tvær, voru tímabundið hér á landi. Þær vinna nú víða um Evrópu, í heimi vændis þar sem ofbeldi og kynsjúkdómar grassera. Báðar voru þær undir verndarvæng íslenskra karlmanna. Mansal nefnist nútíma þrælasala og Ísland hefur ekki farið varhluta af því. Lögreglan í Noregi segir nauðsynlegt að grípa til harðra aðgerða og telur jafnvel að vændi sé ó höndum skipulagðra glæpasamtaka með tengsl við útlönd. Lögreglan í Noregi bendir á að nauðsynlegt sé að skoða þessi mál í samhengi og með samvinnu milli landa. Ásgeir Karlsson hjá fíkniefnadeild lögreglunnar telur að vændi geti verið angi af fíkniefnasölunni en segist þó ekki vera alveg viss. Alþjóðalögreglan Interpol stöðvaði í mars peningasendingu frá Íslandi til Venezuela, 5000 dollara í seðlum í íslensku bílablaði. Móttakandinn var Nígeríumaður. En fleiri gera út á íslensk mið. Meðal annars líkfundarmálið sýnir svo að ekki verði um villst að glæpasamtök í austantjaldslöndunum reyna að hreiðra um sig hér. Maður sem hefur tengsl við undirheimana og ekki vildi láta nafns síns getið sagði að meiri hluti þeirra útlendinga sem hér væru að selja fíknefni seldu þau eingöngu til heildsalanna og kæ´mu ekki nálægt götunni. Ásgeir Karlsson var sammála og sagði að útlendingar seldu ekki á götunum og að það væru mest Íslendingar sem væru í götusölunni. Öflugar glæpaklíkur með tengsl við rússnesku mafíuna hafa sína útsendara hér á landi, öllum brögðum er beitt við smyglið og einskis svifist. Þetta fullyrðir starfsmaður tollgæslunnar í Litháen, sem þorir ekki að láta nafn síns getið í fréttinni, þar sem hann gæti stofnað sér og fjölskyldu sinni í hættu. Viðmælandi úr undirheiminum segir þennan heim vera að harðna og samkeppnin verður meiri í fíkniefnaheiminum þá fari skipulagðar glæpaklíkur að berjast um kúnnana.