Tvær kærur felldar niður

Ríkissaksóknari úrskurðar innan mánaðar hvort kærur á Sandgerðisbæ verði teknar til greina eftir að Sýslumaðurinn í Keflavík vísaði þeim frá. Útgerðarmaður kærði sveitarfélagið fyrir bókhaldsbrot. Hann taldi sig ekki fá fullgilda skattnótu fyrir fé sem hann lagði inn á reikning á kennitölu bæjarstjórans. Féð átti að nýta til kaupa á kvóta, en í Sandgerði skilyrða útgerðir sig til að leggja fram fé til slíkra kaupa sé þeim úthlutað byggðakvóta. Júlíus Magnússon, fulltrúi Sýslumannsins í Keflavík, segir kærum útgerðarmannsins tvívegis hafa verið vísað frá þar sem ekki þyki efni til að hefja rannsókn á málinu.