Leigubílstjórar sækja um hækkun

Dísillítrinn er nú á nánast sama verði og bensínlítrinn en lög um olíugjald og kílómetragjald tóku gildi á miðnætti og hækkaði þá dísillítrinn um 51 krónu. Leigubílstjórar hafa sótt um hækkun í kjölfarið. Dísillítrinn hefur hækkað um 51 krónu eða ein hundrað prósent. Dísillítrinn er því aðeins 20 aurum ódýrari en bensín á sjálfsafgreiðslustöðvum í borginni og kostar þar um 109 krónur. Bílar sem vega yfir 10 tonn þurfa þó enn að greiða sérstakt kílómetragjald. Það er því lítill verðmunur á bensín- og dísillítranum og kemur þetta illa við þá sem aka dísilbílum mjög mikið, eins og leigubílstjórum. Þorlákur Oddsson, formaður bifreiðastjórafélagsins Frama, segir að nettó sé þetta 1-2 mánaða laun eða 200-300 þúsund króna tekjurýrnun á ári hjá meðaltalsbíl. Spurður hvort þetta þýði hækkun á leigubílagjaldi segir Þorlákur að Samkeppnisstofnun stjórni því. Umsókn um hækkun sé hins vegar tilbúin hjá Frama og verði hún send stofnuninni eftir helgi.     ... segir Þorlákur Oddsson, formaður bifreiðastjórafélagsins Frama.