Ker ekki að gangast undan ábyrgð

Lögmaður Kers hf. segir félagið ekki vera að gangast undan ábyrgð á samráði olíufélaganna með máli félagsins á hendur ríkinu sem þingfest var í Héraðsdómi Reykjavíkur í dag. Olís og Skeljungur stefna einnig að því að kæra úrskurð samkeppnisyfirvalda fyrir lok júlímánaðar. Eignarhaldsfélagið Ker, sem á olíufélagið Essó, hefur stefnt ríkinu og samkeppnisyfirvöldum til að fá úrskurði áfrýjunarnefndar samkeppnismála frá því í janúar, felldan úr gildi. Þar var félaginu gert skylt að greiða tæpar fimm hundruð milljónir króna í sektir fyrir ólöglegt verðsamráð með olíufélögunum Olís og Skeljungi, sem einnig voru sektuð. Til vara hefur Ker krafist þess að sektarákvæði ákvörðunarinnar verði fellt úr gildi eða að sektargreiðslur verði lækkaðar. Árni Ármann Árnason, lögfræðingur Skeljungs, sagði félagið ætla að nýta sér þann frest sem það hefur til að kæra en hann rennur út í lok júlí. Eyvindur Sólnes, lögfræðingur Olís, sagði að búast mætti við ákæru af þeirra hálfu fyrir sama tíma og sagði hann kröfugerðina væntanlega verða þá sömu og hjá Keri, það er að sektargreiðslur verði lækkaðar eða felldar niður. Félögin stefna öll að því að reyna að fá úrskurði áfrýjunarnefndar hnekkt þrátt fyrir að hafa beðið viðskiptavini sína afsökunar á verðsamráðinu í heilsíðuauglýsingum dagblaða eftir að Samkeppnisyfirvöld sektuðu þau. Kristinn Hallgrímsson lögfræðingur Kers segir: „Það er stór misskilningur ef menn halda að það felist einhver viðhorfsbreyting í því að höfða þetta mál samanborið við afsökunarbeiðnina sem send var út í vetur. Þessi stefna og þetta mál er þannig úr garði gert að það er í rauninni gengist við því samráði sem átti sér stað og það eru engin mótmæli við því. HIns vegar er sú krafa gerð í þessu máli er að olíufélög eins og áðrir fái rétláta málsmeðpferð og það sem við bendum í í þessu máli að það er ekki rétt reiknað. Við höfum fengið óháða endurskoðendur til þess að fara yfir þetta mál og þá kemur í ljós að það eru vitlausir útreikningar um meintar fjárhagslegan ávinning.“ Kristinn segir fleiri ástæður af þessu tagi liggja að baki kærunni en að félagið taki því sem verður. Ef m álið fer í þann farveg að sektir verði lækkaðar og eins ef málið verður staðfest.