Reksturinn verði aðskilinn

Skilja verður fullkomlega að rekstur og stjórn Flugleiða-Fraktar annars vegar og Bláfugls og Flugflutninga hins vegar samkvæmt ákvörðun Samkeppnisráðs í gær. Samkeppnisyfirvöld töldu ástæðu til íhlutunar vegna samruna FL Group, Bláfugls og Flugflutninga til að tryggja virka samkeppni í flugfrakt milli Íslands og annarra landa. Flugleiðum-Frakt annars vegar og Bláfugli og Flugflutningum hins vegar er jafnframt bannað að hafa með sér samvinnu um markaðsmál á því sviði. FL Group lýsir því yfir að niðurstaðan sé í samræmi við það sem félagið vænti.