Mótmæla virkjun áa fyrir álbræðslu

Náttúruverndarsamtök Íslands mótæla harðlega áformum um virkjun Jökulsánna í Skagafirði og Skjálfandafljóts í þágu álbræðslu. Ályktun þessa efnis var samþykkt á aðalfundi félagsins í gær. Þar segir einnig að álver á Norðurlandi krefjist gífurlegrar orku og sé hætt við að horft verði til virkjunar Jökulsár á Fjöllum þrátt fyrir gefin fyrirheit um að hún ásamt tilheyrandi vatnasviði verði friðlýst innan þjóðgarðs. Fundurinn skorar á stjórnvöld að láta nú staðar numið í stórvirkjunarframkvæmdum og einhenda sér í að klára hið fyrsta Rammaáætlun um nýtingu vatnsafls og jarðvarma og gefa fyrsta áfanga hennar formlegt gildi.