Efla þarf menntun verslunarfólks

Aðeins um 40% starfsmanna í smásöluverslunum hér á landi hafa lokið framhaldsskólanámi og í sumum verslunum er hlutfallið mun lægra. Samtök verslunar og þjónustu spurðust fyrir í stærstu verslunarfyrirtækjunum og skoðuðu síðustu launakönnun VR og komust að þessari niðurstöðu. Þetta er mjög lágt hlutfall, en talið er að 60% Íslendinga á vinnumarkaði hafi lokið framhaldsnámi. Um 12.000 manns starfa í smásöluverslun og má því gera ráð fyrir að aðeins 4.800 þeirra hafi lokið framhaldsnámi. Samtökin telja niðurstöðuna gefa tilefni til að stórefla menntun verslunarfólks.